মেলোনী পাদা-র নিবিলি ভুইয়োত
থুব থুব লোলক্ক্যে সোজ রঙর হোচপানা
মাঘী পূর্ণিমার নিলোচ্যে আহ্জি সাক্ষী রাগেই
লুলোঙ গালি পাদেই দিলুঙ ত’ উধিজে
মনত পড়লে, মনত লোজ!
ত’ মনও গুদিত লাগারাক ন’ দিজ
জাগা দিজ জিরেবার, ত’ মনও সিংগবাত
ভাতঝড়া ফুলোর পোতপোত্যে ছদগে
শর্মা হুরোর অদগে অদগে
মনত পড়লে, মনত থোজ!
ত’ মনও চোরা ঈদিবোত
কি চোগে পড় দেগি ঠেঙ দোঙ
কোই দ’ ন’ পারিম, হালিগ-
কেদাগতুগও পেজেয়ে গীরেত
যেদক বানা খিয়োঙ, সেধক তনক উয়োঙ
মনত পড়লে, মনত লোজ!
মনত পড়লে, মনত থোজ!