বেন্নে পোত্তেত্তুন ধুরি মানুজ থুবোদন দলা দলা
গাবুরীদাগি সোজ পেল্, রাঙা সাবুগী-বলা পিনোন পিনি
বুগোত খাদি বেড়েই এচ্চোন
মারমা, ত্রিপুরা, চাঙমা, তঞ্চঙ্গ্যা, চাক, বম, পাংখোয়া, খেয়াঙ, ম্রো, ঝাগে ঝাগে থুবেয়োন
পৌরসভা উধোনত।
হারকুজ্যে পো-গুন এগজা দিদোন রেঙ
নানা ঢঙে, নানা রঙে খুজি খুজি মূ- লোই
এগজা মানুজ, এগজা মানুজ; পধ চিরি পধ ন’- পায়
অইদে এনা যদবদে-
জাদে জাদ থোগায়!
উষাতনবাবু, মানেকলালবাবু, গৌতমবাবু, প্রকৃতিবাবু, জগৎজ্যোতিবাবু দাগি
মাএগ’ গরাত হাক্কন অধিকারও পোইদেনে নানান কধা মাধিলাগ।
কবি শিশির বাবু হল’ পারা- “তে এব”
কধাগানরে সত্য গুরি
লাড়ে লাড়ে গুরি লীডার এ
স্পীকারবো আবাজ্জে থিগেল’-
হাক্কন সঙ শুনেল’ জাদ ভালেদি কধাতারার নিআলজি লাড়েয়োর উজেবার তালিগ।
এগজা রেঙ, এগজা রেঙ, এগজা রেঙ
রেঙও উগুরে রেঙ
এহ্হ্ এ হু- হু- হু- হু
উজৌ- উজৌ-উজৌওওওওওওও!
কালায়ন দা পো- ব’ বাশখঢ়মত ভর দ্বি আহ্ধা ধরল
থুবেয়ে মানুচ্চুন এগ ঠেং দ্বি ঠেং গুরি ন্যুও আহজালোই
হুজ ফেলেলাগ।
চোনমাস্যে তানডাঙ্যে রোদত
ঘামও ফুদো তেব্ তেব্
যে আহধানার থুম নেই..